i'm back~~~
back fm korea~
yo~ 到底我係幾時鼠咗去馬爾代夫一轉ga~
咪就係今年4月law~
如果你想知點解訊訊咁多假~ 呵呵~ 請直接問訊訊la~ (睇下佢點答你~ 好彩o既係, 佢請假唔算太大壓力~ 確確實實有正職ga^^ 如果唔係點養老婆呢~)
business class好似搭上癮咁~
買咗cx o既直航~
對上一次飛馬爾代夫係1年半前~
果時係搭singapore airline~ 讚不絕口果種~
其實都諗過搭返星航~ 但又唔想轉機~
人呢... 就係咁矛盾ga la~
但因為cx o既時間唔靚~ 我地land咗male之後~
已經係夜晚9點幾la~ (如果無記錯的話~)
o係咪好似飛咗5粒鐘呢~?
所以聽咗個travel expert講, stay o係male city一晚~
大熱o既hotel jen~ (唔記得影相~)
但我初時以為hotel jen距離機場好近, 只係行路過去就得~
仲要無做research... 到飛果日先突然醒起... 完全唔知點去~?
好彩有個做旅行社o既朋友幫我地check...
原來... hotel jen雖然係位於male city...
但落咗機之後, 仲要搭程快艇約3-5 mins左右先去到~
hotel jen不過不失~ 舒服o既~ 夠大o既~ 但唔記得咗影相~
朝早起身之後, 慢慢食過buffet breakfast之後~
所有野都好hea咁進行~
(o係酒店房影ga~ 個view都唔錯bor~)
因為你跟本唔需要急~
11am check out前大把時間~
啊啊啊~ 未講點解會有呢個馬爾代夫o既假期~
係諗住可以抽幾日慶祝返我同訊訊o既結婚5週年~
都係prefer陽光與海灘~
但因為上年先去完bali~ 訊訊又唔鍾意泰國~
所以又揀咗馬代~
早餐~ 其實都算多野揀~
有中有西仲有印度野~
味道ok ga^^
11點幾check out後~ 已經有staff lead返你去快艇過返去機場果邊~
佢會幫你分配唔同酒店~
即係我地係VADOO o既~ 佢會直帶你去vadoo o既counter到~
有佢地安排, 其實我地咩都唔駛煩~ 幾好ar~
好好好好好熱~ 4月初仲係佢地o既靚日子~
少風少雨~
d海水靚到~^^~
我地今次揀o既resort係Adaaran Prestige Vadoo Maldives
無用好多時間去搵去plan~
但點解揀佢~?
話說有一日o係網上search 馬代o既資料~
有1-2間專做馬代o既旅行社, 咁就直接打電話比佢, 諗住問下資料~
佢二話不說推介咗vadoo~
有諗過會唔會係伏野...
因為通常推介得都係一般...
但因為我地book o既時間又係趕... (成日都係趕頭趕命咁... 雖然未到last minute... 但永遠都無足夠時間比我搵資料)
個旅行社果位職員同我地講~
VADOO有樣好, 就係大陸人少, 而且價錢中等得唻會有個私人池o係房~
其實我覺得vadoo唔算平... 但聽到佢話有固私人池... 就好似有雙重享受咁~
再加上VADOO o既海島底7成都係珊瑚底, 唔係砂底, 會相對見到好多魚~
佢再講, vadoo可以做埋all inclusive~ peak season 唔係間間都做到全包~
叮叮叮~
之後, 我就無再搵第二間...
好似比佢洗咗腦咁... 一心只係掛住VADOO.....
格完價後, 叫個朋友幫我地BOOK VADOO~ (朋友個價錢CHECK過當然最平)
VADOO個故事就係咁唻~
但其實... 我想講...
今次係第二次唻馬代... 要求都會有所不同~
對上一次o既centara ras fushi因為新開張, 可以叫做平玩馬代~ (無記錯好似5日4夜, 2人加埋3.5萬全包, 機票+水上屋, 都係all inclusive~ )
今次, 唔計機票~ 只係resort 水上屋全包價, 5晚約 3.3萬~ (未計機票+税)
我覺得VADOO並唔係個TRAVEL EXPERT口中o既中等價~ (當然, 要玥貴極都仲有)
但我想講...... vadoo o既service, 住房, 野食... 都比centara差...
價錢貴咗咁多, 但相對quality差咗... 我會覺得對比太大...
感到不值~
訊訊話... 無法子啦~
鬼叫我地無做2手準備~ 根本無做比較~
蝕~~~! 如果比多小小時間我, 我地可能就唔會揀vadoo la~~~
anyways... 都唻到law~ 好好enjoy~
一上到島~ 唻返杯welcome drink~
坐下, 會有專人serve你~
呢個專人就係我地o既私人管家~
呢幾日如果有咩頭暈身興, 咩都搵佢~
實地拍攝~ 無花無假~
環境係靚~
但... 並唔係travel expert口中... 少大陸人.... 一.一"
我想話... vadoo接待o既遊客9成係亞洲人~
超過一半係韓國人~ 當中唔少中國遊客~
又比佢呃咗~
第一日陽光超好~
d相100%自己影ga~ 都影到好似旅遊雜誌咁o既質素~ 因為真係好靚~
我地12點入到去vadoo~
原本諗住未拎得房住~ 預咗3pm先有房拎~
點知個管家好好~ 話間房已經ready咗~呢樣好~ 唔駛比early check in o既費用可以提早拎房~
因為係全包o既關係~ 佢提我地可以去餐廳食lunch la~~
的確~ 間房係好大~ 有前後之分~ 加埋過千呎o既水上屋~
但... 都係果句~ 因為年半前住過centara... 果到新開張麻...
所以相對... 呢到感覺就會舊咗~~~
(centara o既水上屋size好似約500-600呎左右, 細一半)
而原來佢所謂o既私人池好細....
約2米 x 2米左右... 笑咗~
haha~~ 又比佢呃咗~~~~~
不過我同訊訊2人浸落去, 都仲有鬆動位o既~
其實呢個唔可以叫泳池law~~
呢到係後廳~~
環境係唔錯~ 如果佢可以o係到裝多部冷氣就會更加好~~
因為真係好熱~~
後面仲有個按摩池~ 爽~!
之後.... 原來resort得2間餐廳.... (其中一間日式餐廳收費好貴~)
而我地all inclusive無得揀... 由頭到尾... 早午晚三餐都全部o係呢到解決....
扣分... 扣分啊...!!!!!
(又做對比... 人地centara都有成4間餐廳la.... 點解呢到無得揀....!)
<- 我地間房係843~
至於d野好唔好食...
嗯... ok la......
當然唔可以話唔好食...
而佢每日都有唔同款o既menu推出~
但感覺都會悶ga~~~~~
all inclusive好在... 可以任飲~ 啱晒訊訊鍾意飲酒~
但我不停提佢飲少d~
因為飲太多, 如果落水玩... 都會好危險ga~~
至於wifi~ 全島都有free wifi connection~
最終~ 第一日下午食完飯就急急落水la~~~~
成日比人話我白雪雪~ 一定唔識游水~
haha~~ 但我想話, 游水我係識識地ga, 雖然唔係好叻~
但係唻馬代游水一定無問題~
有救生衣~ 又有蛙鞋~
根本唔駛怕唔識游~~
所以... 陽光海灘, 我其實係超鍾意~
好彩o既係... 每次曬黑完好快就白返.........
今次個travel expert真係無講錯~
真係好多珊瑚礁~
不過要小心啊~ 因為唔小心會界親ga~
所以我同訊訊都去買左條長o既泳褲~~~
玩下hea下~
好快天黑~
咖啡機可以任飲~ 但雪櫃o既野飲就要另外收錢...
又話all inclusive~~~~~
洗水間都分2邊~ 其實真係夠晒大~~
夜晚睇返間房~ 感覺又唔同咗d~
每日大約6pm左右~ 就有餵魚睇~
其實呢到無咩野做~
100%純hea~
由我地間房行到出返沙灘main house...
如果行... 都行成15mins...
所以... 我地行過一次之後, 都會call車~~~
想見到大魚其實唔難~
不過當你見到佢... 同佢地咁close...
你又會驚..... >.<
<- 魔鬼魚就係腳底...
天黑la~
天空好靚^^
其中一晚~ 我地加咗錢做bbq dinner buffet~
唔記得加幾多錢位... 好似計返5百幾/2位~ 如果無記錯~
因為怕咗食唻食去都係果d野...
所以諗住食bbq seafood可能會新鮮d~
咩都仚住... 咩都影唔到~~
haha~~~~
d野食... 嗯.... 其實ok la..........
無乜特別好o既期望~~
不過~ 對住個咁靚o既景食dinner~
呢5舊水... 就變得相對地抵la~~~~~
訊訊話... 呢到係食景... 而唔係食野....
食完野又慢慢行返去水上屋~
夜晚唔好落水~ 但都可以繼續浸~~~~
我地唻到呢到~ 有樣好~ 真係晚晚都10點前就上床瞓覺~
因為呢到真係無其他娛樂節目~~~
日日瞓足10個鐘~ 係一個休息o既好地方~
每日都係食瞓游~
夜晚管家仲會提供宵夜+生果~
就係咁~
6日5夜就咁stay咗o係vadoo到~~~
其中一日o既lunch~~~
食咗幾日後, 我發覺... 最好揀西式野食~ 咁就最安全最好味~~
好似呢個burger咁~ 超得~~~
係幾日唻最正o既一餐~
親親大自然~~~ welcome to our villa ^^
呢到o既野飲包括cocktail~
都多選擇~~~~
成日都見到佢地~~~~
其中一晚~ 我地放咗2蚊美金o係床頭~ (其實日日都會放~)
但唔知點解... 呢一晚佢心情好~
幫我地deco得特別靚~~~
執床係一日執2次~ 務求住客住得舒適~
到最尾2日~ 天氣開始差~~~
多雲lu~~~~
最尾一日~ 仲見到水龍捲~
同我地好近...
有d驚ga...
成個trip無影到太多相~~
haha~ 因為太hea太懶~
唔似對上一次咁, 仲專登帶套婚紗去影相~
感覺:
vadoo o既職員唔算太nice~ 有一半都唔會笑... 我無expect佢地會對住我地笑...
但呢d渡假o既地方... 笑容其實好重要, 甚至會影響住客o既心情~
野食... 真係無得講... 唔算好... 又唔算差... 餐廳得一間已經無得講任何comments...
房間比第一次去o既centara大一倍~ 感覺都係舒服~
不過... 都係唔值呢口價.... 只可以話, 佢位於一片珊瑚礁上~ 選址十分重要~
因為真係一落到海就超多魚~
(記得centara果時無咁多魚~ 仲要餵面包, d魚先肯游過唻)
至於會唔會再唻馬代~?
嗯... 1.5年唻咗2次... 暫時無乜渴望~
可能要再等耐d先會再唻~
到時... 一定會好小心揀resort... 始終... 一晚o既房價真係唔平ga ma~~~~
p.s. 回程cx o既時間好似係夜晚9-10pm~
但因為resort最尾一日只包早餐~ 我地好彩帶咗d零食食~ 如果唔係... 點捱得到夜晚~
有問過vadoo可唔可以late check out~ 管家幫我地問咗, late check out到夜晚6pm收費好似150美金~ 我地都ok~ 但... 可惜, 酒店因為緊接住有其他住客要check in~ 所以無得late check out~ 要準時中午就要交返房出唻~~ 慳咗150美金~
之後同訊訊行下沙灘, 同埋坐o係bar到涼冷氣傾下計~ 上下網咁~
都ok o既~^^~
